سیلاب زدگان کی بستیوں میں پاک فوج کی جانب سے ٹینٹ اسکول قائم کرکے بچوں کو تعلیم فراہم کی جا رہی ہے۔
پاک فوج کی جانب سے سیلاب زدگان کی سہولیات کے لیے جہاں اہم اقدامات اٹھائے جا رہے ہیں وہیں سندھ میں متاثرین کی بستیوں کے بچوں کے لیے عارضی اسکول بھی قائم کر دیے گئے ہیں اوربچوں کو کتابیں تقسیم کرکے تعلیم دی جا رہی ہے۔
دوسری جانب ٹنڈوالہ یار، عمر کوٹ، سانگھڑ، دادو، ٹھٹھہ، بدین اور میرپور خاص سمیت دیگر علاقوں میں پاک فوج کے جوان سیلاب زدگان کے لیے امدادی سرگرمیوں میں بھی مصروف ہیں۔
پاک فوج کی جانب سے سیلاب سے متاثرہ علاقوں میں راشن اور دیگر ضروری اشیاء کی تقسیم کے ساتھ میڈیکل کی سہولیات بھی فراہم کی جا رہی ہیں۔
