بھارت کے شہر نئی دہلی میں سال نو پر خوفناک حادثے میں 20 سالہ لڑکی ہلاک ہوگئی جس کی لاش 13 کلو میٹر تک کار کے پہیوں میں پھنسی رہی۔
بھارتی میڈیا کے مطابق اتوار کے روز 20 سالہ انجلی کی اسکوٹی کو دہلی کے علاقے سلطان پوری میں کار نے ہٹ کیا ،جس کے بعد لڑکی 13 کلو میٹر تک کار کے پہیوں میں پھنسی رہی، کار میں موجود 5 افراد میں بی جے پی کے رہنما مشری چاند گپتا بھی شامل تھے، جب کہ حادثے کی ویڈیو سوشل میڈیا پر وائرل ہوگئی۔
DELHI SHOCKER: WOMAN DRAGGED FOR 13 KM
Shocking case of woman being dragged by a car for 13 km. Forensic team to re-examine the car and the girl's scooty today. #Delhi #DelhiAccident pic.twitter.com/bS6reG8nud
— Mirror Now (@MirrorNow) January 2, 2023
بھارتی میڈیا پر جاری ویڈیو میں کار تلے پھنسی لڑکی کی لاش کو بھی دکھایا گیا ہے تاہم ویڈیو میں لڑکی واضح نہیں ہے، بھارتی میڈیا کے مطابق پوسٹ مارٹم رپورٹ میں لڑکی سے زیادتی کے شواہد بھی نہیں پائے گئے ۔
بھارتی پولیس کے مطابق حادثے میں لڑکی کی ایک ٹانگ کار کے پہیے میں پھنس گئی تھی جس کی وجہ سے وہ کار کے نیچے چند کلومیٹر تک پھنس رہی، واقعے کے بعد کار میں موجود 5 افراد بشمول بی جے پی رہنما کے خلاف مقدمہ درج کرلیا گیا ہے۔
پولیس کے مطابق ملزمان کا کہنا ہے کہ انہیں لڑکی کے کار میں پھنسے رہنے کے حوالے سے علم نہیں تھا لیکن جب انہیں اس بات کا علم ہوا تو وہ ڈرگئے اور کار کے پہیوں سے لڑکی کی لاش نکال کر فرار ہوگئے۔
