عمران خان کی خواہش ہے کہ لاشیں گریں اور وہ اُن پر سیاست کریں: احسن اقبال

لاہور: وفاقی وزیر احسن اقبال نے کہا ہےکہ عمران خان کی خواہش ہے کہ کچھ لاشیں گریں اور وہ اُن پر سیاست کریں لیکن پولیس نہیں چاہتی کہ کوئی جانی نقصان ہو۔

احسن اقبال نے کہا کہ عمران خان گرفتاری سے بچنے کے لیے انسانی ڈھال استعمال کررہے ہیں،قوم کو قانون کی حکمرانی کے درس دینے والا قانون کا منہ چڑا رہا ہے اور قوم تماشا دیکھ رہی ہے۔

انہوں نے کہا کہ عمران خان کی خواہش ہے کہ کچھ لاشیں گریں اور وہ اُن پر سیاست کریں لیکن پولیس نہیں چاہتی کہ کوئی جانی نقصان ہو۔

احسن اقبال کا مزید کہنا تھا کہ سیاسی طور پر عمران خان کو گرفتار کرنا ہوتا تو 6 ،7 ماہ میں کرلیتے، عمران خان عدالتوں میں پیش نہیں ہورہے اس لیے عدالتیں وارنٹ نکال رہی ہیں۔