بلوچستان کے ضلع دالبندین میں ایک پرائمری گرلز اسکول پر 18 سال سے بااثر شخصیت کے قبضے کا انکشاف ہوا ہے۔
جی نیوز سے بات کرتے ہوئے ڈپٹی کمشنر دالبندین حسین جان بلوچ نے بتایا کہ دالبندین میں واقع پرائمری گرلز اسکول کلی رسول بخش نوتیزئی پر ایک بااثر شخصیت نے 18 سال سے قبضہ کیا ہوا تھا، اس بااثر شخصیت نے اسکول کو اپنی ذاتی رہائش گاہ بنارکھا تھا۔
دوسری جانب ڈی سی چاغی نے بتایا کہ محکمہ تعلیم کی نشاندہی پر ضلعی انتظامیہ نے اسکول سے قبضہ ختم کراکے عمارت محکمہ تعلیم کے حوالے کردی ہے اور محکمہ تعلیم نے گرلز پرائمری اسکول میں خواتین عملہ تعینات کردیا ہے۔
