پاکستان تحریک انصاف (پی ٹی آئی) کے رہنما بابر اعوان نے پی ٹی آئی رہنماؤں کے پارٹی چھوڑنے پر دلچسپ ردعمل دیا ہے۔
اسلام آباد ہائی کورٹ میں میڈیا سے گفتگو کرتے ہوئے بابر اعوان کا کہنا تھا کہ موجودہ حکومت عمران خان کا ایک ووٹ بھی نہیں کاٹ سکتی۔
بابر اعوان کا کہنا تھا کہ ہم عمران خان کے ساتھ ڈٹ کر کھڑے ہیں، کروڑوں لوگ ان کے ساتھ ہیں، ہم کاغذی شیر کی طرح چھپے ہوئے نہیں بلکہ میدان میں ہیں، یہ ہمارا ملک ہے اسے ٹھیک کریں گے۔
موجودہ حکومت عمران خان کا ایک ووٹ بھی نہیں کاٹ سکتی، بابر اعوان pic.twitter.com/1wTxIJpmMP
— Geo News Urdu (@geonews_urdu) May 24, 2023
پی ٹی آئی رہنماؤں کے پارٹی چھوڑنے پر بابر اعوان کا کہنا تھا کہ میں یہی کہوں گا کہ جو لوگ پارٹی چھوڑ کر جا رہے ہیں وہ ڈیپوٹیشن پر آئے تھے، پارٹی چھوڑ کے جانے والے اب کیبنٹ ڈویژن واپس رپورٹ کر رہے ہیں
