کراچی: اینٹی وائلنٹ کرائم سیل نے کئی ماہ پہلے اغوا کی جانے والی لڑکی کو بازیاب کرالیا۔
ایس ایس پی اے وی سی سی ذیشان صدیقی کے مطابق اینٹی وائلنٹ کرائم سیل نے قائدآباد میں کارروائی کرتے ہوئے13 سالہ مغویہ مشعل نور کو بازیاب کرالیا جب کہ اس دوران 2 اغواکار بھی گرفتار کیے گئے۔
ایس ایس پی نے بتایا کہ مشعل کو دسمبر 2022 میں سعید آباد سے اغوا کیا گیا تھا، واقعہ کا مقدمہ بچی کے والد کی مدعیت میں سعید آباد تھانے میں درج تھا۔
پولیس کا کہنا ہےکہ کیس میں گرفتار ملزمان نعمان اور لال محمد سے تفتیش کی جارہی ہے۔
