کینیڈا کے صوبے منی ٹوبا میں ٹرک اور معمر افراد کی بس میں تصادم کے نتیجے میں 15 افراد ہلاک ہوگئے، جائے حادثہ پر سڑک دوطرفہ ٹریفک کیلئے بند کردی گئی۔
برطانوی خبر ایجنسی کے مطابق حکام کا کہنا ہے کہ حادثہ ونی پیگ کے قریب کاربیری کے علاقے میں پیش آیا ہے۔
The news from Carberry, Manitoba is incredibly tragic. I’m sending my deepest condolences to those who lost loved ones today, and I’m keeping the injured in my thoughts. I cannot imagine the pain those affected are feeling – but Canadians are here for you.
— Justin Trudeau (@JustinTrudeau) June 15, 2023
رائل کینیڈین ماؤنٹڈ پولیس حکام کا کہنا تھا کہ بس ہائی وے 5 پر جنوب کی طرف کاربیری قصبے کی طرف جا رہی تھی، جبکہ سیمی ٹریلر ہائی وے 1 پر مشرق کی طرف جا رہا تھا۔
پولیس کا کہنا ہے کہ بس میں 25 افراد سوار تھے، جن میں سے 15 افراد ہلاک ہو گئے جبکہ دیگر 10 افراد زخمی ہوگئے جنہیں طبی امداد دی جا رہی ہے.
پولیس حکام کا کہنا تھا کہ منی ٹوبا میں اس سے قبل اس طرح کے بڑے پیمانے پر جانی نقصان کا ٹریفک حادثہ نہیں ہوا ہے۔
کینیڈین وزیر اعظم جسٹن ٹروڈو نے ٹوئٹ کے ذریعے واقعے پر اظہار افسوس کرتے ہوئے لواحقین سے اظہار تعزیت کیا۔
دوسری جانب ٹرک کمپنی کے سی ای او نے تحقیقات میں مکمل تعاون کا وعدہ کیا ہے، ان کا مزید کہنا تھا کہ اس وقت ہمارے پاس حادثے سے متعلق محدود تفصیلات ہیں۔
