لاہور: ایشیا کپ 2023 کے میچز کے لیے بھارتی کرکٹ بورڈ ( بی سی سی آئی) کے صدر اور نائب صدر کے پاکستان آنے کا امکان ہے۔
ذرائع کے مطابق پاکستان کرکٹ بورڈ ( پی سی بی) نے ایشین کرکٹ کونسل کے تمام رکن ممالک کو دعوت نامے بھجوائے ہیں جن میں ایشیا کپ کیلئے آئی سی سی کے اعلیٰ عہدوں پرفائز شخصیات کو بھی دعوت نامے بھجوائے گئے ہیں۔
ذرائع کا کہنا ہے کہ آئی سی سی رکن ممالک کو بھی میچز دیکھنے کے لیے دعوت دی گئی ہے۔
ذرائع کے مطابق بھارتی کرکٹ بورڈ کے صدر راجر بنی اور نائب صدر راجیو شکلا کو بھی دعوت دی گئی، ساتھ ہی اے سی سی کے صدر اور سیکرٹری بھارتی بورڈ جے شاہ کو بھی دعوت نامہ بھیجا گیا ہے۔
ذرائع نے دعویٰ کیا ہے کہ راجر بنی اور راجیو شکلا کے ایشیا کپ کے دوران پاکستان آنے کا امکان ہے۔
