سعودی فٹ بال کلب النصر کی جانب سے کھیلنے والے اسٹار فٹبالر کرسٹیانو رونالڈو نے عربی زبان میں دلچسپی لیتے ہوئے مقامی زبان کے لفظ سیکھنا شروع کر دیے۔
کرسٹیانو رونالڈو نے حال ہی میں عرب میڈیا کو انٹرویو دیا جس کا ترجمہ النصر فٹبال کلب نے اپنے سوشل اکاؤنٹ ایکس پر شیئر بھی کیا۔
سوشل میڈیا پوسٹ کے مطابق اسٹار فٹبالر کا کہنا تھا کہ جیسے کہ میں نے پچھلے سیزن میں کہا تھا کہ سعودی لیگ وقت گرزنے کے ساتھ بہتر ہو جائے گی اور دنیا کی ایک بہترین لیگ بن جائے گئی۔
انہوں نے کہا کہ میں سعودی عرب میں بہت خوش ہوں، مجھے یہاں بلانے اور خوشی کا احساس دلانے پر میں سعودی عرب کو شکریہ ادا کرتا ہوں۔
🎬 || The leader, Cristiano Ronaldo:
" As I said last season, Saudi League will improve and will be one of the best leagues in the world.
I'm happy here, and I'd like to thank Saudi Arabia for having me, and make me feel so happy" pic.twitter.com/PzNU7Uyi4e
— AlNassr FC (@AlNassrFC_EN) August 25, 2023
النصر کی جانب سے شیئر کیے گئے انٹرویو کے آخر میں سنا جاسکتا ہے کہ میزبان کی جانب سے عربی سیکھنے کے حوالے سے سوال پوچھا گیا جس کا جواب دیتے ہوئے کرسٹیانو رونالڈو نے عربی میں لفظ ’شکراً‘ کہا جو مداحوں کو بھا گیا اور اسٹار فٹبالر کے چاہنے والوں کی جانب سے اسے بہت پسند کیا جا رہا ہے۔
