کراچی میں ایک اور بچہ گٹر میں گر کر جان سے گیا

کراچی میں ایک اور بچہ گٹر میں گر کر جاں بحق ہوگیا۔

کراچی میں کھلے گٹر کے مین ہول بچوں کے قاتل بن گئے ہیں جس وجہ سے ایک اور بچہ جان سے چلا گیا۔
اورنگی ٹاؤن کے علاقے میں ہنستا کھیلتا بچہ گٹر میں گرگیا جس کی شناخت رمضان کے نام سے ہوئی۔

علاقہ مکینوں کے مطابق رمضان محلے کے دیگر بچوں کے ہمراہ گٹر کے قریب کھیل رہا تھا کہ گٹر میں گرا اور ڈوب گیا۔

اس سے قبل کراچی کے علاقے بلدیہ ٹاؤن میں ایسا ہی واقعہ رونما ہوچکا ہے جہاں گٹر کا ڈھکن نہ ہونے کے سبب ننھی بچی گٹر میں گر کر جاں بحق ہوگئی تھی جس کی عمر 4 سال تھی۔