پاکستانی ٹاک ٹاکر حریم شاہ نے الزام عائد کیا ہے کہ انٹرنیشنل کرکٹ کونسل (آئی سی سی) اور بھارت نے ملی بھگت سے ون ڈے ورلڈکپ 2023 فِکس کیا ہوا ہے۔
حریم شاہ کی جانب سے سوشل میڈیا سائٹ ایکس پر ٹوئٹ کی گئی جس میں انہوں نے بھارتی کرکٹرز کی تصویر شیئر کی جس پر ‘فکسرز’ درج تھا، حریم نے اپنی ٹوئٹ میں شدید برہمی کا اظہار بھی کیا۔
ٹک ٹاکر نے لکھا ‘بھارت سمجھتا ہے کہ دنیا بیوقوف ہے لیکن ہم بیوقوف نہیں ہیں’۔
https://x.com/_Hareem_Shah/status/1721189479031955791?s=20
حریم شاہ نے کہا کہ ‘ہم جانتے ہیں کہ یہ ٹورنامنٹ بی سی سی آئی (بھارتی کرکٹ بورڈ) اور انٹرنیشنل کرکٹ کونسل نے بھارت کی جیت کو یقینی بنانے کے لیے پہلے سے ہی فِکس کیا ہوا ہے’۔
انہوں نے یہ بھی لکھا کہ ‘سب پیسے کا کمال ہے’، ٹک ٹاکر کی اس ٹوئٹ پر متعدد صارفین نے ان سے اتفاق کیا اور انہیں درست قرار دیا۔
واضح رہے کہ گزشتہ روز ایڈن گارڈنز کولکتہ میں کھیلے گئے میچ میں بھارت نے جنوبی افریقا کو یکطرفہ مقابلے کے بعد 243 رنز سے شکست دے کر ایونٹ میں مسلسل آٹھویں کامیابی حاصل کرلی۔
بھارت کی اس کامیابی کے بعد ایکس پر ‘فکسرز’ کا پیش ٹیگ بھی ٹرینڈ کررہا ہے۔
