گزشتہ کچھ سالوں میں سوشل میڈیا دنیا بھر میں جنگل کی آگ کی طرح پھیلا اور اس کے استعمال میں دن بدن اضافہ ہوتا جارہا ہے۔
اب عالمی ادارہ برائے اعداد و شماریات نے دنیا بھر میں سب سے زیادہ ڈاؤن لوڈ کی جانے والی ویب سائٹس سے متعلق ایک رپورٹ شائع کی ہے۔
ورلڈ آف اسٹیٹسٹکس کی جانب سے ایکس پر 2022 میں دنیا بھر میں سب سے زیادہ ڈاؤن لوڈ کی جانے والی ایپلیکیشنز (ایپس) کی فہرست جاری کی گئی ہے۔
اس فہرست کے مطابق 2022 میں دنیا بھر میں سب سے زیادہ ڈاؤن لوڈ کی جانے والی ایپ ٹک ٹاک رہی۔
https://x.com/stats_feed/status/1723991818789171413?s=20
سب سے زیادہ مقبول ایپلیکیشنز کی فہرست میں ٹک ٹاک کے بعد انسٹا گرام دوسرے، فیس بُک تیسرے، واٹس ایپ چوتھے اور ٹیلی گرام پانچویں نمبر پر ہے۔
اس کے علاوہ بچوں میں مقبول گیم سب وے سرفرز چھٹے، اسٹمبل گائز ساتویں، اسپاٹی فائے آٹھویں، شین نویں جب کہ میسنجر دسویں نمبر پر ہے۔
اس فہرست میں ایلون مسک کا ایکس 16ویں نمبر پر رہا۔
عالمی ادارہ برائے اعداد و شماریات کی اس فہرست سے یہ اندازہ بھی لگایا جاسکتا ہے کہ کورونا کی وبا کے بعد کے اثرات 2022 میں محسوس کیے جا رہے تھے کیونکہ اس سال بزنس کمیونیکیشن ایپس زوم اور مائیکرو سافٹ ٹیمز کو کم ڈاؤن لوڈ کیا گیا۔
اس کے علاوہ تعلیمی سرگرمیوں والی ایپلی کیشنز کو بھی کم ڈاؤن لوڈ کیا گیا کیونکہ اسکولز اور یونیورسٹیاں اس سال اپنے روایتی تدریسی نظام کی طرف واپس آگئی تھیں۔
