دادو میں ہیتم جتوئی پھاٹک کےمقام پر رینجرز کی گاڑی پر نامعلوم افراد کی جانب سے فائرنگ کا واقعہ پیش آیا ہے۔
ایس ایس پی دادو شبیر سیٹھار کے مطابق فائرنگ سے رینجرز کے 2 اہلکار زخمی ہوگئے جبکہ فائرنگ کے بعد موٹرسائیکل سوار ملزمان فرار ہوگئے۔
انہوں نے بتایا کہ زخمی اہلکاروں کو ابتدائی طبی امداد کے بعد حیدرآباد منتقل کر دیا گیا ہے۔
ایس ایس پی کا کہنا تھا کہ رینجرز کے زخمی اہلکاروں لانس نائیک شریف اور ڈرائیور عثمان کی حالت خطرے سے باہر ہے۔
