پاکستان میں متحدہ عرب امارات (یو اے ای) کے سفیر نے ارشد ندیم کی طرف سے اولمپکس میں گولڈ میڈل جیت کر تاریخ رقم کرنے پر پاکستانی عوام کو مبارکباد پیش کردی۔
اپنے پیغام میں یو اے ای کے سفیر نے کہا کہ ارشد ندیم نے 92.97 میٹر تھرو کر کے ریکارڈ توڑا، یہ یہ جیت پاکستانی عوام کی صلاحیتوں اور عزم کا منہ بولتا ثبوت ہے۔
انہوں نے کہا کہ ارشد ندیم کی یہ جیت پاکستان کیلئے بے پناہ فخر کا باعث ہے اور پاکستانیوں کا یہ عزم عالمی سطح پر کھلاڑیوں کو متاثر کرتا ہے۔
انہوں نے کہا کہ متحدہ عرب امارات کے سفیر کی حیثیت سے، مجھے اپنی برادر قوم کو ایسے سنگ میل عبور کرتے دیکھنے پر فخر ہے۔
