بھارتی میڈیا رپورٹ میں ماضی کی خوبرو اداکارہ ریکھا کے ان کی خاتون مینیجر فرزانہ کے ساتھ ناجائز تعلقات کی خبروں نے ہلچل مچادی۔
ریکھا کاشمار بالی وڈ کی کامیاب ترین اداکاراؤں میں کیا جاتا ہے جنہوں نے انڈسٹری کو کئی بلاک بسٹر فلمیں دیں لیکن ریکھا کی ازدواجی زندگی ان کے کیرئیر کی طرح اتنی کامیاب نہ رہی۔
ماضی میں ریکھا اور امیتابھ بچن کے تعلقات کا خاصا چرچا رہا لیکن یہ محبت بہت مختصر رہی جس میں ناکامی کے بعد ریکھا نے بزنس مین مکیش اگروال سے شادی کرلی لیکن مکیش کی خودکشی کے بعد ریکھا نے شادی نہیں کی۔
حال ہی میں بھارتی میڈیا کی رپورٹ میں ریکھا کی شادی نہ کرنے کی وجہ ان کی مینیجر فرزانہ کو بتایا گیا ہے ۔
رپورٹ میں کہا گیا ہےکہ ریکھا نے شوہر مکیش اگروال کی زندگی میں فرزانہ کو بطور مینیجر ہائر کیا تھا جو مکیش کی خودکشی کے بعد ریکھا کے بہت قریب ہوگئیں۔
ریکھا کی مینیجر فرزانہ کون ہیں؟
بھارتی میڈیا نے دعویٰ کیا ہے کہ فرزانہ ریکھا کی زندگی میں ایک خاص مقام رکھتی ہیں اور وہ اداکارہ کے سائے کی طرح ان کے ساتھ نظر آتی ہیں، اگرچہ فرزانہ کا تعلق شوبز انڈسٹری سے نہیں ہے لیکن ان کے والد پروڈکشن کنٹرولر تھے جب کہ فرزانہ ڈائریکٹر بننے کی خواہش رکھتی تھیں۔
ریکھا اور فرزانہ کی ملاقات بھی ایک فلم کے سیٹ پر ہوئی جس کے بعد اداکارہ نے انہیں بطور مینیجر ہائر کرلیا اور 30 سال سے زائد عرصہ گزرجانے کے باوجود فرزانہ اداکارہ کیلئے کام کررہی ہیں۔
رپورٹ میں یہ بھی بتایا گیا ہے کہ جب فرزانہ کی والدہ بیمار ہوئیں تو وہ دن میں ان کی دیکھ بھال کرتی تھیں لیکن رات ریکھا کے ساتھ ہی قیام کرتی تھیں۔
مزید برآں فرزانہ کے قریبی لوگوں کا دعویٰ ہے کہ وہ ریکھا سے بہت متاثر ہیں اور انہوں نے اپنی زندگی بھی ریکھا کے لیے وقف کردی ہے۔
