کراچی میراتھون 2025 کے فنشر میڈلز کی رونمائی کردی گئی۔
سنہری میڈل پر میراتھون روٹ کے اطراف کا نقشہ موجود ہے، اس کے علاوہ اس پر اہم مقامات بھی نمایاں ہیں۔
کراچی میراتھون میں ہر فنشر کو عالمی روایت کے مطابق میڈل دیا جائے گا۔
میراتھون 5 جنوری کو سی ویو پر نشانِ پاکستان سے شروع ہوگی، ایونٹ میں فل میراتھون، ہاف میراتھون، 10 کلو میٹر ریلی اور 5 کلو میٹر فن ریس شامل ہے۔
کراچی میراتھون 2025 ورلڈ ایتھلیٹکس سے منظور شدہ ہے۔
یہاں یہ بات بھی قابلِ ذکر ہے کہ کراچی میراتھون میں رنرز کا عزم اور جذبے سے بھرپور مقابلہ جیو پر نشر کیا جائے گا۔
