کراچی میں 3 روز قبل اغوا کیے جانے والے نوجوان کی لاش پلاسٹک کے ڈرم سے برآمد ہوئی۔
پولیس کے مطابق نوجوان کی لاش کراچی کے علاقے گلزار ہجری میں پلاسٹک کے ڈرم سے ملی ہے، مقتول نوجوان کی شناخت اقبال کے نام سے ہوئی ہے، اقبال کو 3 روز قبل اغوا کرکے تاوان طلب کیا گیا تھا۔
پولیس کا کہنا ہےکہ اغوا اور قتل میں ملوث ملزم رمیز کو گرفتار کرلیا گیا ہے، ملزم رمیز مقتول اقبال کا ہم زلف ہے، ملزم نے ذاتی رنجش کو اغوا برائے تاوان کا رنگ دینے کی کوشش کی۔
پولیس کے مطابق ملزم نے پہلے 50 لاکھ پھر 30 لاکھ اور آخر میں27 لاکھ روپے تاوان طلب کیا، ملزم اور مقتول کا کس بات پر جھگڑا تھا یہ تفتیش میں سامنے آئے گا تاہم مقتول کے اغوا کا مقدمہ تھانہ نیو ٹاؤن میں اس کے بھائی کی مدعیت میں درج ہے۔
