بھارت: سفاک خاتون نے شوہر کے بھتیجے کی محبت میں گرفتار ہوکر اس کے ساتھ مل کر شوہر کو قتل کروا دیا۔
بھارتی میڈیا رپورٹس کے مطابق خاتون نے نوجوان کی محبت میں سعودی عرب سے چھٹیوں پر آنے والے شوہر کو تشدد کے بعد قتل کروا دیا۔
38 سالہ مقتول نوشاد 20 اپریل کو چھٹیوں پر سعودی عرب سے آیا تھا، اتوار کی صبح، پٹکھولی گاؤں میں ایک کسان نے اپنے کھیت میں چھوڑے ہوئے ٹرالی بیگ کو دیکھا جسے اس نے کھولنے کا فیصلہ کیا۔
کسان نے جب بیگ کھولا تو اس میں ایک مرد کی لاش پلاسٹک میں لپٹی دیکھی، بعدازاں پولیس نے نوشاد کے جسم کا باقی حصہ قریبی کھیتوں سے بوری میں بند پایا۔
پولیس نے تحقیقات کیں تو پتا چلا کہ نوشاد کو کچھ عرصہ قبل اپنی اہلیہ کے تعلق کے بارے میں پتا چلا تھا جس کے بعد گاؤں میں پنچایت بیٹھی، نوشاد نے اہلیہ کو تنبیہ کرکے معاف کردیا تھا اور معاملہ وہیں ختم ہوگیا۔
بعدازاں نوشاد کی اہلیہ اور بھتیجے کا تعلق پھر بحال ہوگیا اور جب نوشاد لوٹا تو دونوں نے مل کر اسے مارنے کا پلان بنایا، نوشاد کی اہلیہ نے بھتیجے کے ساتھ مل کر سوتے میں نوشاد کو کلہاڑے سے مار کر قتل کردیا اور لاش دو ٹکڑے کرکے دو جگہ پھینک دی۔
